您的購物車內沒有商品!
如何區分油性、混合性、中性、乾性、敏感肌?大家有無覺得有時揀護膚品好困擾呢?朋友話呢款好好用,但自己用就敏感/無用?到底自己肌膚適合用咩產品呢?其實每個人嘅肌膚狀態和類型都大不同,要真正認識自己的膚質,先可以喺日常護膚步驟對症下藥,選擇適合自己的護膚品,令肌膚長久保持平衡和健康嫁。
膚質主要分為 5 種類型,「油性肌膚」、「混合性肌膚」、「中性肌膚」、「乾性肌膚」、「敏感性肌膚」。
想知道自己到底屬於邊一種膚質,其實好簡單嫁,你只要洗完臉之後,唔搽護膚品,等待 45-90 分鐘,再觀察肌膚狀況就可以啦。
我哋要留意嘅就係喺皮膚最 pure 嘅時候,睇下臉上嘅油脂分泌情況
膚質類型 | 膚質檢測方法 |
油性肌 | T-zone 同成塊臉都出油,同時因為成日分泌過多油脂,加埋髒污、灰塵、角質積累喺肌膚表層,好易造成毛孔堵塞出現暗瘡痘痘,而且毛孔比較粗大,會易出現黑頭、粉刺問題。參考: 天然去角質推介。 |
中性肌 | 大家最想擁有嘅健康理想皮膚膚質,同洗完臉一樣咁清爽又水滿滿,無繃緊又無油感,油脂及水分都分泌平衡,而毛孔都好細小。 |
混合肌 | T-zone 明顯油笠但臉頰乾,同時鼻翼兩旁毛孔比較粗大、易出粉刺,比起乾性肌無咁易出現皺紋。要注意嘅係中性及油性肌既人,都會因為環境、壓力、年齡增長等變成混合性肌膚的。 |
乾性肌 | T-zone 同臉頰都無點出油,同時感覺到有啲乾、繃緊,嚴重啲仲會出現脫皮狀態。毛孔雖然比較細,但就好容易出現皺紋,一旦水油補充不足,肌膚就好容易睇起黎無光澤及粗糙。 |
敏感肌 | 皮膚表層比較脆弱,對外界刺激嘅防護度較低,好易引起不同程度既不適問題,有啲係先天又有啲係後天護膚不當而造成既皮膚受損問題。而敏感肌嘅一般特徵就係容易受環境、濕度、物理性及化學性物質刺激,而出現泛紅、刺痛、發癢、粗糙、繃緊、脫皮及皮疹等問題。 |
只要好好了解自己嘅膚質類型,喺日常護膚上對症下藥,選擇適合你個人肌膚嘅護膚品,就可以擁有健康滿滿嘅理想皮膚啦。如果你唔知點選擇適合自己的護膚品,可以問我哋嫁,希望大家都擁有健康美麗嘅肌膚,真心推介好用嘅產品比大家,就係 Korean Beauty Secret 嘅理念喔 ~
嚟門市體驗一下,同事會為大家介紹更多~
【本文由 Korean Beauty Secret 撰寫,未經授權,請勿轉載】
初稿發佈於2019年12月