如何選擇卸妝產品: 水、油、啫喱、膏、乳？

有咁多質地嘅卸妝產品，包括有卸妝水、卸妝啫喱、卸妝乳、卸妝油、卸妝膏，到底如何選擇啱自己的落妝產品呢？本文講解如何因應自己膚質，選擇適合的落妝產品。不知道自己膚質的你，可參考文章: 如何分辨膚質。

溫和潔臉，好好落妝。解決油光滿面、黑頭粉刺、毛孔粗大嘅困擾，落妝一定係最重要的一步！其實好多比暗瘡痘痘、粉刺煩擾嘅人，好多時到因為怕左油脂會停留喺臉，而絕對地同油拒絕接觸，更甚嘅係一日洗幾次臉變成過度清潔，反而係將自己好好一塊臉【洗壞左】！早上用最溫和嘅，而晚上正常潔臉落妝1次加洗臉1次，就好足夠嫁啦，要有健康嘅表皮層保護皮膚，同時减少細紋出現，就要記得保留肌膚正常嘅油脂，唔多唔少啱啱好，溫和唔會傷肌膚，同時令油脂有少少存在感。

1. 卸妝水

質地最清爽，適合所有肌膚使用，最啱怕油笠嘅人用，想快快手落妝沖涼，趕時間時就最啱用佢啦。

2. 卸妝啫喱

啫喱質地都清爽，而且有好好嘅保濕效果，適合皮膚比較敏感、脆弱、乾燥嘅人用，而且可以好快令臉上油污同彩妝相互融合，通過乳化就可以快速將臉上嘅化妝品及油污一次過帶走。

3. 卸妝乳

比較適合油性肌、混合肌，但一定要注意要乳化完成，唔係就會好容易反而傷害到肌膚嫁啦，所以就要比較花時間去洗乾淨面部。

4. 卸妝膏

屬於比較溫和，比卸妝油清爽一點，又比卸妝水更滋潤一點，落妝能力都比較好，適合化日常妝用，同時補水效果都比較好，特別適合乾性肌、混合肌同缺水性肌用嫁。

5. 卸妝油

主要透過油溶油嘅功能，溶解度係最好，落妝力較強，所以適合平時妝容比較濃，用防水防油彩妝產品，同時比較適合乾性肌用。

卸妝 FAQ

1. 敏感肌選擇卸妝用品有什麼需要留意？

由於敏感肌唔可以接受太強嘅清潔力，所以當敏感或者比較容易泛紅嘅肌膚，建議選擇質地較清爽的卸妝水、卸妝膏等天然無添加卸妝產品。

2. 為什麼有時候卸完妝會感到好乾？

原因係用咗清潔成份太強嘅落妝產品啦，佢連你本身肌膚嘅水分都帶埋走，所以你反而就會覺得繃繃緊。呢個時候建議改用啲比較溫和嘅清潔產品，重點係要知道，每一個人嘅肌膚狀況都唔一樣嫁，所以一定要揀啱自己肌膚的。同時亦要注意，有時清潔過度，反而傷害左表層肌膚嘅保護力，所以要揀得啱，用得對，先可以擁有健康肌嫁~

睇睇我哋推介嘅 卸妝產品

【本文由 Korean Beauty Secret 撰寫, 未經授權, 請勿轉載 】