萬年暗瘡總係好唔到? 了解暗瘡類型、成因和對應方法，教你回復白滑美肌！

了解暗瘡的生成原因，就能從根本改善、調理，養成不易出痘膚質！針對性解決不同暗瘡類型，由內而外對症下藥，痘痘好更快！又係踏入春夏嘅日子啦，隨著氣溫升高，皮脂腺分泌都會增加，當大量油脂堵塞喺皮膚表層，再加上老廢角質堆積，就會好易令暗瘡及暗粒湧現嫁啦！

青春期出現嘅暗瘡，一般因為體內分泌激素增加而出現，做好基本護理或過咗青春期，暗瘡通常會自然停止。而最難解決的，就係成年後嘅暗瘡，除左因為皮脂分泌過剩而引起，仲有機會係因為身體的自癒能力減慢，或因為肌膚敏感，令暗瘡更難治癒。

但有時好多人面對呢個問題，就只係想到搽暗瘡膏或加強潔面、去油、去污解決，但其實只會令情況更加惡化。所以，要全面擊退暗瘡，一定要先了解暗瘡類型，然後對症下藥，就可以搵到出解決方法啦！

暗瘡類型

不同的暗瘡類型，需要用不同的暗瘡產品及方法才能解決，今次我哋就幫大家針對性擊退問題！臨床症狀可分為兩大類別：

1. 非發炎性暗瘡

• 白頭、黑頭：暗瘡初期，是由於毛孔堵塞，令皮脂無法分泌出來，令皮脂腺受到阻塞，最初從肌膚表面睇起來呈白色，然後接觸空氣後會氧化變成黑頭。最初期，只要注意清潔，同時做磨砂去死皮，注意清潔後收毛孔護理，慢慢就會消失的。
• 閉鎖性粉刺：隱藏在皮膚下面令皮膚隆起，摸起黎就會發現臉部出現凹凸不平，唔紅、唔腫、唔痛都唔癢的，而且會發現皮膚上有好多小粒粒，而額頭同下巴位置就特別容易出現！呢個時候就要特別注意：卸妝洗臉夠不夠徹底、角質層有無過厚、皮膚是否缺水。如果暗瘡位置經常係相同位置，就可能代表你身體某部分出現健康警號啦，要小心留意。

2. 發炎性暗瘡

• 紅丘疹：最輕微的暗瘡，因為堵塞的毛孔周圍產生發炎反應所導致，會有點疼痛，同時毛孔周圍嘅皮膚通常都係粉紅色。
• 膿胞性痤瘡：嚴重一點，稍微腫起並有膿頭，並且整顆發炎，顯得更為紅腫，而且當膿頭破裂時，會流出由細菌及已破壞的白血球細胞混合而成嘅白黃色黏液。
• 結節性痤瘡：比較嚴重的痤瘡，因為粉刺在皮膚下持續發炎摸落會較硬，只要稍為大力按壓就會感到痛，如果放任唔理，變成炎症後色素就會沉澱，就會出現我哋最怕嘅暗瘡印啦。
• 石頭瘡：比普通暗瘡體積較大而且紅腫，摸落去比較硬身，而且仲會隱隱作痛，比一般暗瘡較為嚴重。多數無膿頭，表面高低凹凸不平，好似數串小顆粒積結喺皮膚入面，加上通常石頭瘡病程較長，好容易喺臉上大規模爆發，嚴重的話，仲會留下永久性疤痕，形成凹凸洞。查看︰去凹凸洞產品

暗瘡原因和解決方法＞＞想要擁有水煮蛋肌的好膚質就一齊睇下去啦！

暗瘡形成原因1：清潔得唔徹底或清潔太過火

清潔不徹底會讓化妝品、髒污留在皮膚毛孔內，久而久之自然形成粉刺！但如果過度清潔又會惡化！好多人都以為「出痘痘係臉洗得唔乾淨，所以要多洗臉」，但其實過度清潔會令皮膚受傷、太過乾燥，所以同時都要留意洗面產品，會唔會刺激皮膚，令暗瘡更嚴重。

早上用溫和潔面產品、晚上用溫和卸妝及潔面產品洗臉就可以，其他時間流汗多或空氣污染嚴重，可以用護膚噴霧及清潔濕紙巾清潔一下臉部就足夠了。同時要注意洗臉時水溫要比體溫稍低，唔可以用好熱嘅水，因為水溫愈高就愈刺激皮膚，當皮膚發炎時就會更惡化。另外，洗完臉嘅感覺要係好舒適的，唔可以感到緊繃、乾澀！

形成原因２：皮膚缺水、角質唔健康

因為皮膚只能分泌油脂，不能提供肌膚所需的水份，沒有做好補水保濕，就會導致內油外乾、水油不平衡，加上新陳代謝變慢、毛孔就會堵塞導致粉刺出現，久而久之，就會變成暗瘡。

另外當皮膚最外層的天然屏障「角質層」及「皮脂膜」太乾、缺水，老廢角質就唔可以自然脫落而導致堵塞毛孔，變成粉刺和痘痘啦。所以要特別注意保濕，因為皮膚足夠濕潤，就可以進行正常新陳代謝，不會分泌過多油脂，或是讓老舊的角質堵塞毛孔。

形成原因 3：同時用多種去痘、抗粉刺產品

好多人出現暗瘡就會把護膚品全部換成有抗痘功能的，但其實只要在基礎護膚上，令皮膚達到水油平衡，就可以減少皮膚長痘嘅機率了，要減輕痘痘粉刺，要同時做到基礎保濕護理上，再額外使用去暗瘡產品，效果先可以更好嫁。我都好明白祛痘係好心急，但護膚真係唔可以太急，要一步步慢慢建立由底至外嘅健康肌膚層，咁樣先至係護膚王道。

希望可以令你了解更多，早日助你擺脫爛痘人生，迎接白嫩嫩水煮蛋肌～

【本文由 Korean Beauty Secret 撰寫, 未經授權, 請勿轉載 】