李英愛冬天「防腐級」凍齡秘訣,山茶花護膚一定要學!

皮膚愈控愈油?洗完臉又爆油?4個常見控油誤解 + 正確控油方法

Posted by rebecca 12/05/2022 0 Comment(s)

今次分享4個常見控油誤解,同埋正確控油方法俾你參考~ 係咪剛洗完臉,過一陣好快又爆油呢?油光滿臉要控油定係保濕?大家要留意「4個不」,就可以令肌膚無負擔啦!喺門市常聽到客人講「控油」、「加強清潔」、「補水」呢啲關鍵字,再問之下就發現,原來係為咗控制臉上嘅出油問題,其實要令臉部保持補水唔出油,就要努力達到水油平衡,想唔比多餘嘅油脂破壞膚況,你又有無正確地去做好護膚?

 

控油方法

 

第一個 NO – 深度清潔才能控油? 

第一個誤解,好多人以為清潔要做多啲、愈強效愈好,一日洗幾次臉、日日去角質,以為咁就可以控制出油問題,但其實過度嘅清潔,反而會造成皮膚乾燥、角質層變薄嫁,之後就係令皮膚唔可以正常地調節水油,最後導致變成「過敏肌」!

 

正確方法: YES 改善 – 溫和清潔就好

建議一日早晚洗兩次臉就可以,如果中午真係出油嚴重,就用清水/濕紙巾就好,早上用溫和有保水能力嘅潔膚產品,晚上則可以用深層潔淨型的洗面產品,幫助帶走多餘的油脂和髒汙。而去角質次數,不需要每天都進行嫁,視符皮膚狀況而定,一星期1-2次就可以!參考: 去角質產品推介

 

控油方法 溫和清潔

 

第二個 NO – 拒絕所有有油份嘅護膚品? 

好多人都覺得自己油份已經好多啦,所以唔可以再用有油分份嘅野,只要補水、控油就可以啦,乳液、乳霜有油嘅產品唔搽,但其實就係惡性循環,因為皮膚表面沒有油份鎖水屏障,水分就會自然蒸發,仲帶走埋臉上原本嘅水分,咁就變成一直補水又一直乾又一直出油嘅情況啦!

 

方法: YES 改善 – 薄薄一層乳液、乳霜來補水及補油

要達到真正嘅保濕、鎖水,護膚程序最關鍵就係:補水及補油,所以乳液、乳霜、精華其實都唔可以少嫁,除左令皮膚變得更保濕,同時可以形成鎖水屏障,唔好睇少呢層屏障呀,佢就好似城牆一樣,能夠防止大部分水分流失,能讓肌膚嘅狀況愈養愈健康!

控油方法 補水及補油

 

第三個 NO – 控油產品成套用? 

一出油,大家就會諗護膚到化妝全部產品都要控油再控油,唔可以用滋潤型產品嫁,呢個諗法就大錯特錯啦!錯誤嘅控油方法,反而會令臉部喺短時間內又變成油田,雖然控油產品可以減少你嘅皮膚出油,令你變得清爽,但其實佢都係導致你肌膚乾燥脫皮嘅重要原因,尤其如果出門怕脫妝,你就上啲高度控油粉底,咁反而會導致更容易浮粉或脫皮嘅慘狀嫁!

 

方法: YES 改善 – 補水+保濕+控油不可缺

要知道有時肌膚係因為缺水先會出油,所以補水工作一定要做好,最好選擇適合自己嘅補水護膚品每日早晚用,最簡單嘅步驟都要做足,爽膚水、精華、乳液/面霜!

 

控油保濕

 

第四個 NO  – 補水、日日敷面膜? 

大家都覺得令皮膚最快速嘅補水方法就係敷面膜,所以好多人都會有日日敷面膜嘅習慣,但唔係每個人都適合嫁,好似油肌人、痘肌人,如果每日敷面膜,反而會降低肌膚嘅自我修復能力及抵抗力,敷唔啱面膜,甚至仲會造成毛孔阻塞,產生粉刺、暗瘡等情況!

 

方法: YES 改善 – 敷清爽型及高透氣面膜

乾性肌或混合偏乾可以每日敷,其他膚質最好就係隔日敷面膜,而油肌人、痘肌人,就更加唔可以每星期超過3次,大家都要盡量揀清爽型及高透氣面膜,急救肌膚狀況,就唔好揀太過滋潤,唔係就好容易出暗瘡痘痘嫁啦!有暗瘡問題可參考: 去暗瘡護膚品

 

控油 面膜

 

注意補水保濕,因為水油平衡就係控油嘅關鍵,當皮膚底層水分足夠,自然就唔會再失控地分泌油脂啦!

想全日 Keep 住肌膚水潤清爽,趕緊改善護膚步驟,就唔浪費時間同金錢啦,用錯產品把皮膚狀況愈搞愈錯,就真係得不償失啦~

 

【本文由 Korean Beauty Secret 撰寫, 未經授權, 請勿轉載 】

初稿發佈於2020年7月

評論